Formansskapurin viðger støðuna við valbólkum

Formansskapurin í løgtinginum fer fyrrapartin at viðgera  støðuna, eftir at Annika Olsen er farin úr Framsókn og hevur sagt formanssessin í fíggjarnevndini frá sær.

Páll á Reynatúgvu, løgtingsformaður, kom í gjár til ta niðurstøðu, at valbólkurin hjá samgonguni kann bara velja onkran annan í sessin hjá Anniku Olsen. Løgtingsformaðurin vísti til grein 26 í tingskipanini. Hon sigur, at valbólkur kann velja onkran annan, um ein nevndarsessur gerst leysur.

Men ikki øll eru av somu fatan. 

Jógvan ivast

Jógvan á Lakjuni, fyrrverandi løgtingsformaður, sigur seg ivast í, um henda tulkingin kann brúkast í hesum føri. 

- Um so var, at Annika Olsen gavst sum tingkvinna, so skilji eg tulkingina hjá Páll á Reynatúgvu. Annika Olsen er ikki givin, men er farin í farloyvi, og tí er tulkingin hjá tigformanninum ikki røtt, sigur Jógvan á Lakjuni við Vágaportalin.

Fyrrverandi løgtingsformaðurin spyr, um ein løgtinglimur, sum hevur biðið um farloyvi, kann taka seg úr eini nevnd. Jógvan á Lakjuni sigur seg ivast í hesum, og tí vil hann hava málið viðgjørt á fundinum hjá formansskapinum fyrrapartin.

Bárður vil hava frágreiðing

Eisini Bárður Nielsen, fyrrverandi formaður í Fíggjarnevndini og næstformaður í Sambandsflokkinum, sigur seg ivast stórliga í tulkingini hjá Páll á Reynatúgvu, løgtingsformanni.

Bárður Nielsen heldur tað vera stak óheppið, um løgtingsformaðurin nú leggur ein nýggjan leist fyri, hvussu løgtingslimir kunnu skifta millum nevndir. Og tí vil tingmaðurin hava eina frágreiðing frá løgtingsformanninum: