Seinasta kreppulánið afturrindað

Seinasta gjaldið,  sum Ísland rindaði aftur til IMF var 2,2 milliardir krónur, boðaði íslendski tjóðbankin frá í síðstu viku.

Góður búskapur

Landið skuldi eftir ætlan ikki rinda skuldina aftur fyrr enn fyrst í komandi ári, men íslendski búskapurin er so góður í løtuni, at stjórnin hevur valt at afturrinda lánið longu nú. 

Gjaldførið hjá íslendska tjóðbankanum er gott í løtuni, millum annað tí at bankin hevur keypt og selt á altjóða gjaldoyramarknaðinum, stendur í tíðindaskrivi frá tjóðbankanum. 

17,7 milliardir rindaðar aftur síðani 2018

Samanlagt lænti Ísland 13 milliardir frá IMF, og harumframt hevur Ísland lænt 14,7 milliardir frá Føroyum, Pólandi og hinum norðurlendsku londunum. Eisini hesi lánini vóru rindað aftur áðrenn tíð, í tíðarskeiðnum frá 2012 til 2015.