Viðgera kæru um eftirløn

Landsstýrismálanevndin fer týsdagin aftur at viðgera eina kæru frá einum borgara, sum ikki er nøgdur við síni eftirlønarviðurskifti. 

Tá kæran kom í summar, var Annika Olsen landsstýriskvinna í almannamálum. Nevndin avgreiddi ikki málið fyri ólavsøku, og tí arvaði nýggja landsstýrismálanevndin tað.

Nevndin hevði fund um kæruna fyrr í hesum mánaðinum, men tók ikki støðu til, um hon skal viðgera kæruna, ella vísa henni frá sær.

Málið er á skránni aftur hjá landsstýrismálanevndini fyrrapartin týsdagin.