Politiið í Havn hjálpti køldum føroyingi í Nuuk

Klokkan eitt korter til sjey í morgun ringir ein maður í Havn og sigur, at ein vinmaður hansara, sum er staddur í Grønlandi við fiskiskipi, hevði ringt og sagt, at hann er vilstur uttanfyri Nuuk. Hann er í ringum skørum, tí tað eru 35 kuldastig. Politiið í Føroyum ringir so til politiið í Nuuk, ið fer at leita, og løtu seinni er maðurin funnin í øllum góðum, og komin á rætt stað aftur.

Á politistøðini í Havn sigur vakthavandi, at burturvilsti maðurin gjørdi tað rætta í tí støðu hann var komin í.