Maður handtikin fyri at smugla rúsevni

Ein 19 ára gamal maður er handtikin fyri at royna at smugla rúsevni til Føroya. Maðurin kom til Føroya við Norrönu, sum kom inn á Havnina úr Hirtshals stutt fyri klokkan átta í morgun.

TAKS og løgreglan gjørdu regluligar kanningar av ferðafólki í morgun, og millum annað ungi maðurin varð kannaður. Sjálvur segði maðurin, at talan bert var um 50 gram av hasji.

Kanningarnar eru ikki lidnar enn, og er ikki greitt, hvussu stórar nøgdir talan varð um, sigur Hildur Hentze, dagligur leiðari á kriminaldeildini.