Ósamsvar millum frágreiðingar í neyðtøkumáli

Politiið fekk klokkan tíggju minuttir í trý gjáramorgunin fráboðan um, at ein 35 ára gomul kvinna varð neyðtikin í einum húsum í miðbýnum í Havn.

Maðurin, sum er 42 ár gamal, varð klokkan seks sunnumorgunin tikin við á politistøðina til avhoyringar, og hann noktar seg sekan.

Ikki samsvar millum frágreiðingar

Ósamsvar er millum frágreiðingina hjá kvinnuni, sum meldaði, og hjá manninum. Millum annað um, hvar tey skulu hava verið saman hetta kvøldið.

Annar partur sigur uttandurða og hin innandurða. Maðurin var tí seinnapartin í gjár latin leysur aftur. Løgreglan kannar nú frágreiðingarnar hjá báðum pørtum um hald er í teimum.

Møgulig vitni í málinum skulu eisini avhoyrast, sigur Hildur Hentze, dagligur leiðari á kriminaldeildini.