Veðurkønur: Sannlíkindi fyri kava jólaaftan

Tað er ikki heilt óhugsandi, at kavi hóast alt kemur niður jólaaftan. Ivamálið sær í løtuni bert út til at verða nær

Fríggjadagin var ikki líkt til, at tað fór at verða hvítt jólaaftan. Vit eiga kortini ikki heilt at missa vónina fyri hvítum jólum, sigur veðurkønur, ið hevur hugt í veðurforsagnirnar

Bjarni Mohr

21.12.2015 - 08:48

Fríggjadagin sá hon einki serlig út - veðurforsøgnin fyri jólaaftan. Í øllum førum ikki, um tú hevði glett teg til at tað fór at verða hvítt og kavi jólaaftan.

- Hyggja vit at hitalagi og vindi, sær tað út til at tað fer at koma kavi niður jólaaftan. Fyrst vátakavi og seinni kavi, sigur Hanus Kjølbro, lærari á Sjónámi.

Vónin um hvít jól livir enn. Sambært læraranum á Sjónámi, fer tað at koma kavi niður jólaaftan, segði hann við góðan morgun Føroyar fyrr í morgun.

Greinin heldur fram niðanfyri

Dagsins bestu tíðindi?
Posted by Kringvarp Føroya on 21. desember 2015

Hóast tú so smátt kanst gleða teg til kava jólaaftan, er kortini eitt sindur óvist, júst nær kavin kemur niður jólaaftan, sambært læraranum á Sjónámi.

- Tað verður heilt fitt av vindi av norði og kalt. Tað er heilt sikkurt, at kuldin kemur tá onkuntíð, men tað er torført at seta klokku á, sigur Hanus Kjølbro..

Tað eru 16 tímar á muni á veðurforsagnunum. Meðan onkur veðurstova sigur at tað fer at kava fyrr um dagin, sigur DMI at tað verður ikki fyrr enn á midnátt.