Sjey hava søkt starvið

Sjey umsóknir eru komnar til starvið sum kommunustjóri í Tórshavnar kommunu. Evsta mark at søkja starvið sum fremsta embætisfólk í Tórshavnar kommunu var hálvan desember.

Kommunustjórin er næsti ráðgevi hjá býráðnum og borgarstjóranum. Starvið er bygnaðarliga skipað sum ovasti umsitingarleiðari hjá kommununi beint undir borgarstjóranum.

Lønin hjá kommunustjóranum er góðar 54.000 umframt eina aðalstjóraviðbót, góðar 5.000 krónur. Tað vil siga tilsamans góðar 59.000 krónur um mánaðin.

Ingibjørg Berg, kommunustjóri, hevur sagt seg úr starvinum og gevst 1. juni í ár.