Drotningin vitjar í summar

Løgmansskrivstovan hevur almannakunngjørt, at Hennara hátign Margretha Drotning kemur á almenna vitjan í Føroyum í døgunum 13. til 16. juni.

Aksel V. Johannesen, løgmaður, er vertur fyri vitjanini. Vitjanin hevur eina umfatandi skrá, har Margretha Drotning millum annað fær høvi at uppliva náttúruna, mentanina og matin her á landi, stendur í fráboðanini.

Í nýggjársrøðu sínari boðaði drotningin frá, at Heindrikkur prinsur hevur slept sínum almennu pliktum og er farin uppá pensjón, sum hon orðaði seg.

Einki verður nevnt í fráboðanini frá Løgmansskrivstovuni, um prinsurin verður við á føroyaferðini í juni í summar ella ikki.