Málsøkið yvirtikið í 2016

Poul Michelsen sigur, at í heyst varð avtala gjørd við danska ráðharran í integrasjónsmálum, Inger Støjbjerg, um at seta gongd á arbeiðið at yvirtaka útlendingaøkið.

Í avtaluni binda partarnir seg til at raðfesta arbeiðið við yvirtøkuni, og miðað verður eftir, at samráðingarnar vera lidnar fyrra hálvár í ár.

SÍ EISINI Fyrireikingararbeiðið helst liðugt í summar

Eisini skal semjast fáast við Schengen-myndugleikarnar í Brússel. Samráðst verður á embætisstigi í løtuni.

Poul Michelsen sigur, at Schengen-skipanin er undir stórum trýsti í løtuni, og hvussu viðurskiftini í Schengen verða næstu mánaðirnar, kann fáa stóra ávirkan á ætlanina at yvirtaka útlendingaøkið og eisini tíðarætlanina, sigur hann.