Hví flyta fólk úr Grønlandi

KNR, grønlendska kringvarpið, skrivar, at Sara Olsvig, forkvinna í IA, hevur lagt uppskot fyri landstingið um at gera djúptøkna frágreiðing um, hví so nógv fólk flyta úr Grønlandi.  
Tingið fer at viðgera uppskotið í dag. 

Sara Olsvig og IA vilja hava at vita, hvør flytur úr Grønlandi og hví. Tey vilja eisini hava at vita, hvaðani fólk flyta. Tað er sera ørkymlandi, at fólkatalið minkar, sigur Sara Olsvig. 
Sjálv heldur Sara Olsvig, at serliga krevur almannaøkið ábøtur fyri at fáa fólk at støðast í Grønlandi.

Men tiltøkini, sum eru neyðug, krevja eina breiða politiska semju, heldur forkvinnan í IA.

Fakta: 1.januar í ár búðu 55.850 fólk í Grønlandi. Tað er minsta fólkatalið í 20 ár.