Selja ein part av virkseminum

Keyparin er Bridge Petroleum. Atlantic Petroleum fær slakar 6,7 milliónir krónur fyri sín part í Orlando og part av framleiðsluni, tá hon byrjar næsta ár.

Handilin hevur tó ta treyt, at Bridge Petroleum eisini fær keypt tey 75 prosentini í Orlando, sum Inona UK eigur. Tað felagið er farið undir umsiting.

Arbeiðið at rigga brunnin til byrjað

Ætlanin er at pumpa olju úr Orlando næsta ár. Arbeiðið at rigga brunnin til er byrjað. Ben Arabo, stjóri í Atlantic Petroleum, sigur, at felagið hevur gjørt eina góða avtalu við Bridge Petroleum.

Bókaða virðið hjá Atlantic Petroleum í Orlando er slakar 67 mió. kr. Tað verður ikki niðurskrivað. Tað merkir, at Atlantic Petroleum væntar sær meira enn 67 mió. kr. burtur úr Orlando, sum felagið hevur átt part í síðani 2012.

Harafturat sparir felagið 200 milliónir krónur í íløgum í Orlando, tí felagið sleppur undan skylduni at byggja Orlondo út.