Fingu hol á skrokkin

Staddir á Munkagrunninum, einar 90 fjórðingar úr landi, fór Magnus Heinason at leka sjógv inn í maskinrúmið.

Tað vísti seg, at eitt hol upp á umleið ein tumma var komið í skrokkin. 18 tons av sjógvi fossaðu inn í skipið um tíman.

Eitt lítið samdøgur at sigla inn

In.fo skrivar, at tey umborð á Magnusi Heinason høvdu pumpur, sum kláraðu at halda skipinum lens.

Hesar vóru settar til, og 22 tímar seinni komu skip og manning til lands, og so var Magnus Heinason tikin upp á bedingina hjá Mest í Havn.

Meðan Magnus Heinason sigldi inn, pumpaðu tey umleið 400 tons av sjógvi útaftur. Teringur á skrokkinum er atvoldin til lekan.