Keypa loyvir í Noregi

Talan er um fimm olju og gassleiðir í norskum øki, og keypsprísurin er umleið eina hálva milliard krónur, upplýsir DONG fyri Berlingske Business.

Virksemi er á øllum leiðunum, og í løtuni koma 12.000 tunnur av olju um dagin úr økjunum, skrivar blaðið.

Hava samráðst fyrr

Greinarar hava leingi sett spurnartekin við, um DONG er rætti eigarin av olju og gassi, eftir at felagið fór undir at arbeiða við vindmyllum.

DONG var í samráðingunum við Mærsk Oil um at sølu av olju- og gassvirkseminum, men samráðingarnar endaðu úrslitaleysar, tí partarnir kundu ikki semjast um prísin.

Umsetningurin hjá Faroe Petroleum var í 2015 slakar 1,5 milliardir krónur, í mun til umsetingin hjá DONG, sum var 12 milliardir krónur

Leita eftir hálvari milliard

Faroe Petroleum megnar ikki sum er, at keypa virksemið frá DONG, men felagið hevur boðað frá, at tað fer at finna tær 533 milliónir krónur, sum skulu fíggja keypið.

Tá Faroe Petroleum gjørdi av at bjóða, vísti felagið á, at olju- og gassleiðirnar hjá DONG høvdu stóran strategiskan týdning fyri felagið, tí tað vildi geva ein skattafyrimun uppá 84 milliónir dollarar, tí ymsir norskir frádráttir gera tað møguligt.

Hóast DONG nú selur fimm olju- og gassleiðir til Faroe Petroleum, so er DONG framvegis virkið í norskum øki, tí felagið eigur gassleiðina Ormin Langa.