Savna heilsugransking

Granskarar, sum hava áhuga fyri heilsu, fáa nú eitt felags arbeiðspláss. 

Ein nýggjur heilsudepil skal stimbra gransking í heilsu í Føroyum og gagna føroyska heilsuverkinum. 

Tað sigur Magni Mohr, lektari á Fróðskaparsetrinum, sum verður leiðari á nýggja heilsudeplinum.  

Tað er ein partur av teimum 7 milliónunum, sum sjúkrakassagrunnurin hevur sett av til heilsugransking, sum skulu fíggja nýggja heilsudepilin. 

Í løtuni verður tað granskað nógv í heilsuni hjá føroyingum. Millum annað verður granskað í hjartasjúkum, infektiónssjúkum og heilasjúkum. Framyvir skulu hesar granskingar savnast á nýggja heilsudeplinum.