44 næmingar á serbreytum

Í gjár kunngjørdi Mentamálaráðið námsskipan fyri hesar serbreytir, so skúlaleiðslur og lærarar hava sama leist at leggja skúlagongdina til rættis eftir.

Serbreytir eru í Miðnámi á Kambsdali, í Tekniska skúla í Klaksvík og í Glasi í Smiðjugerði. Harfturat eru tveir serflokkar fyri næmingar við autismu í Glasi í Hoydølum.

Flokkarnir í Hoydølum ganga tó eftir vanligum námsætlanum. Námsskipanin fyri serbreytirnar er gjørd eftir sama leisti sum námsætlanirnar í miðnámsskúlunum.

SÍ EISINI Fleiri skúlatilboð til ung við serligum tørvi

Námsskipanin nevnir tó ikki ítøkiligar lærugreinar, men lýsir kjarnuøki og ískoytisøki sum høvuðsbul í útbúgvingini.

Harumframt lýsir hon samleika, endamál, innihald, tímatal, førleikamál, eftirmeting og próvtøku, og hvussu undirvísingin skal skipast.

Námsskipanin til serbreytirnar í miðnámsskúlunum kann síggjast á heimasíðuni hjá Mentamálaráðnum, mmr.fo