- Tíðindi, mentan og ítróttur
Kanna um svanur varð skotin
Kanna um svanur varð skotin
Fólk frá løgregluni vóru í gjár á Eiði, har tey kannaðu eina fráboðan um ein svana, ið er funnin deyður á vatninum
Løgreglan heitir á fólk, ið kunnu hava sæð eitthvørt óvanligt við vatnið á Eiði um at boða frá, eftir at ein svanur er funnin deyður á vatninum
07.09.2016 - 08:02
Løgreglan fekk boðini klokkan gott trý seinnapartin týsdagin, og tá vóru løgreglufólk á Eiði og spurdu seg fyri um hendingina, og um hví svanurin man vera deyður.
Í fráboðanini varð sagt, at svanurin helst er deyður mánadagin ella sunnudagin, og at hann helst er skotin, men tað hevur løgreglan ongar ábendingar um enn.
Fyrr í ár gjørdi kommunan á Eiði av at avlíva nakrar svanar á vatninum, tí mett varð, at teir kundu vera til vanda fyri fólk.
Men um hendan hendingin við deyða svaninum hevur nakað við tað at gera, er ikki greitt, upplýsir vakthavandi á politistøðini í Havn.
Er kopiera
Nýggjastu sendingar í ÚV
Nýggjastu sendingar í SV
