Brexit í mars 2019

Í samrøðu við BBC sigur Thereru May, at Bretland fer at seta í verk grein 50 í Lissabon-sáttmálanum, sum byrjar tilgongdina hjá Bretlandi at taka seg úr ES, í mars komandi.

Tá eitt limaland hevur sett grein 50 í verk, kunna ikki ganga meir enn tvey ár fyrr enn limalandið er farið úr ES. 

Tí skal Bretland hava tikið seg úr ES í síðsta lagi í mars 2019.

Theresa May hevur áður givið til kennar, at Bretland vil hava eina avtalu í lag við ES, sum tryggjar Bretlandi atgongd til innara marknaðin í ES, og sum gevur Bretlandi ræði á, hvussu nógvir útlendingar kunna koma til Bretland.