Leita enn eftir stjóra

Nú tilnevnir nevndin í Tryggingarfelagnum stjórar, og ikki nevndin í Ognarfelagi tryggingartakaranna, sum viðtøkurnar søgdu frammanundan. Viðtøkubroytingin varð samtykt á eykaaðalfundi fyri einari viku síðani.

Tryggingarfelagið er farið í holt við at seta stjóra fyri Regin Hammer, sum varð sagdur úr starvinum hálvan juni, tí nýggja nevndin vil hava eina nýggja byrjan við nýggjum stjóra.

Stjórin í Betri Pensjón fyribils settur

Mortan Poulsen, stjóri í Betri pensjón, er fyribils settur stjóri í Tryggingarfelagnum. Onkur orðing í viðtøkunum um ársaðalfundin er eisini broytt. Í viðtøkunum stóð, at aðalfundurin skuldi vera fyri 1. juni. 

Men Tryggingarfelagið Føroyar skal lata Fíggjareftirlitinum ársroknskapin fyri 30. apríl, so tí má aðalfundurin vera fyri tann dagin.

Í viðtøkunum stóð eisini orðingin "allir partaeigarar", men bara einans partaeigari er í Tryggingarfelagnum Føroyum.