Samd um makrelin

Tað verður kvotan sambært býtislyklinum, sum Føroyar, ES og Noreg samdust um á grækarismessu í 2014. Londini samdust í gjár um fiskiskapin í 2017.

Tað eydnaðist heldur ikki hesa ferð at fáa Ísland ella onnur lond við í semjuna. Øll londini eru tó samd um, at heildarkvotan av makreli næsta ár verður ein millión og 21.000 tons.

SÍ EISINI Føroyingar fáa meira makrel

Á samráðingarfundinum í Írlandi boðaði Grønland hinum strandarlondunum frá, at Grønland nú er strandarland viðvíkjandi makreli. ES hevur formansskapin í makrelsamráðingunum í ár.

Í næstu viku eru svartkjafturin og norðhavssildin á skránni. Tær samráðingarnar verða í London, og ES hevur formansskapin.