Býráðssalurin flytast

Klaksvíkar býráð hevur samtykt at geva grunninum, Mentanarhúsið í Klaksvík, treytaða tilsøgn um 15 milliónir krónur í íløgustuðli, og 300.000 krónur í árligum rakstrarstuðli.

Hetta verður gjørt eftir tilmæli frá meiriluta í fíggjarnevndini. Kommunan er eisini sinnað at leiga umleið 600 fermetrar í bygninginum til býráðshøll, móttøku og annað virksemi.

Umsitingin flytur ikki

Leigugjaldið verður ásett eftir vanligum treytum, ið eru galdandi fyri slík leigumál, sæst í samtykini hjá býráðnum.

Nýggja Mentanarhúsið í Klaksvík er Posthúsið, sum liggur mitt í býnum.

Hóast býráðssalurin verður fluttur í Mentanarhúsið, so skulu býráðshúsini í Nólsoyar Pálsgøtu framvegis nýtast til umsiting hjá kommununi.