Eingin støða tikin til leiðslubygnaðin

Politisk støða er framvegis ikki tikin til leiðslubygnaðin á Klaksvíkar Sjúkrahúsi. 

Tað kemur fram í svari frá Sirið Stenberg, landsstýriskvinnu, til Bjørn Kalsø, tinglim fyri Sambandsflokkin.

Bjørn Kalsø spurdi millum annað, um arbeitt verður við at broyta leiðslubygnaðin á Klaksvíkar Sjúkrahúsi, og um arbeitt verður við at skerja tilbúgvingina á Klaksvíkar Sjúkrahúsi.

Ein menningarætlan varð handað landsstýriskvinnuni í juni í ár, og arbeitt verður framvegis við enni.

Tí er politisk støða ikki tikin til tey ítøkiligu tilmælini um leiðslu og tilbúgving, sæst í svarinum frá Sirið Stenberg til Bjørn Kalsø.