Rindaðu leigu við útgerð

Tað váttar Ewald Kjølbro, stjóri á Landsverki, í telefonsamrøðu við útvarpið í dag, men tað er ikki fallið í góða jørð hjá øllum.

Kappingarneytarnir hjá Asfaltverkinum vilja hava at vita, hví teir ikki vórðu spurdir, um teir vildu keypa útgerðina, áðrenn hon varð seld Asfaltverkinum. 

Nevndarformaðurin í Kreton, Suni Justinussen, segði við útvarpið fríggjadagin, at fyritøkan hevur áhuga fyri nøkrum av amboðunum, sum Asfaltverkið hevur keypt, og at Kreton hevði keypt fyri meira enn tað, Landsverk hevur fingið frá Asfaltverkinum.

SÍ EISINI Asfalteringsútgerð ikki boðin út

Tí undrast nevndarformaðurin í Kreton á, at amboðini ikki vórðu boðin út alment. Men Landsverk hevði ikki stundir at bjóða út. 

Ewald Kjølbro sigur, at Landsverk skuldi halda eina freist at gjalda Asfaltverkinum leigu, og tí varð neyðugt við skjótari loysn. 

Landsverk hevur tí selt Asfaltverkinum asfalteringsútgerð, sum Landsverk vil sleppa av við.