- Tíðindi, mentan og ítróttur
Farin at ótolnast
30.11.2016 - 14:44
Aktuelt›Politikkur
Farin at ótolnast
Nývalda býráðið í Havn vil nú hava Heðin Mortensen, borgarstjóra, at kalla inn til fund skjótast gjørligt, so nýggja býráðið kann skipast

Annika Olsen, og hini í nývalda býráðnum í Havn, er farin at ótolnast eftir fundarinnkalling frá Heðini Mortensen, so nýggja býráðið kann skipast
Nývalda býráðið í Havn er við at ótolnast, tí tey ikki eru sloppin at skipa seg enn. Tey hava í dag sent Heðini Mortensen, borgarstjóra í Havn, skriv.
Nývalda býráðið heitir nú á Heðin Mortensen, borgarstjóra, um at kalla inn býráðið skjótast gjørligt, so nýggja býráðið í Havn kann skipast.
31 dagar at skipa seg
Sambært lógini um kommunustýri, skal nývalda kommunustýrið skipa seg í seinasta lagi innan árslok. Tað er um 31 dagar.
Heðin Mortensen fer frá sum borgarstjóri á nýggjárinum, tí nýggja býráðið skal taka við fyrsta januar, tað vil siga um góðar fýra vikur.
Tað er longu nú greitt, at Annika Olsen úr Fólkaflokkinum verður nýggjur borgarstjóri og Gunvør Balle úr Tjóðveldi verður varaborgarstjóri.
Sí eisini
Nýggjastu sendingar í ÚV
Nýggjastu sendingar í SV