Kringvarpið framleiða tilfar til útlendingar

Kringvarpið skal gera upplýsandi tilfar til tilflytarar. Tað stendur í nýggja public service-sáttmálanum, sum landsstýriskvinnan í mentamálum fer at leggja fyri Løgtingið í  morgin.

Aðalorðaskifti verður um public service-sáttmálan um eina viku. Sáttmálin skal koma í gildi á nýggjárinum og vara til 31. desember 2020.

Sáttmálin úr gildi í 2013

Fyrsti public service sáttmálin millum Kringvarpið og Mentamálaráðið fór úr gildi nýggjársaftan 2013. Ikki fyrr enn nú er nýggjur gjørdur.

Rigmor Dam, landsstýriskvinna, sigur við Sosialin í dag, at í nýggja sáttmálanum verða tíðindi, aktuelt, mál og mentan, tilfar til børn og ung og tekstaðar sendingar til fólk, sum hoyra illa, raðfest.

Harafturat skal gerast upplýsandi tilfar til tilflytarar fyri at stuðla upp undir integrasjón, so útlendingar gerast partur av føroyska samfelagnum.