Væl meira inn í skatti

Vágs kommuna hevur higartil í ár fingið 38,6 milliónir krónur inn í persónsskatti. Tað eru 3,25 milliónir meira enn sama tíðarskeið í 2015.

Vøksturin í tíðarskeiðnum er 9,2 prosent, skrivar Suðurrás. Í fíggjarætlanini fyri 2016 vórðu inntøkurnar mettar til 38 milliónir krónur.

Nú árið nærkast endanum metir Vágs kommuna, at inntøkurnar frá persónsskatti fara upp um 42 milliónir krónur til samans.

Kommunuskatturin í Vágs kommunu lækkaði 1. januar í ár 0,45 prosentstig, úr 22,95 prosentum niður í 22,50 prosent.