Barnaskúli byggjast í partalagi

Fuglfirðingar fáa nýggjan barnaskúla, musikkskúla og nýtt bókasavn - alt í einum. í farnu viku samtykti eitt einmælt býráð at gera eina partalagsavtalu við smápartafelagið Heildarverk, Map arkitektar og ráðgevarafyritøkurnar SMJ og LBF (fyrr Landsbyggifelagið, red). 

Sambært tíðindaskrivi frá kommununi er talan um størstu einstaku íløgu nakrantíð hjá kommununi. Tað skrivar kommunan, hóast endaligur byggikostnaður enn ikki er fastsettur. 

Nýhugsan

Sambært kommununi er talan um ein nýhugsaðan bygning, har serliga náttúrulærugreinar verða hugsaðar inn í sjálva byggingina og innrættingina. 

Býráðssamtyktin merkir, at farast kann undir fyrsta part av arbeiðnum, sum er at  gjøgnumganga ætlanina og áseta endaliga byggikostnaðin.