Danski uttanríkisráðharrin vitjar

Longu klokkan trý seinnapartin skal Anders Samuelsen á fund við Poul Michelsen, landsstýrismann í uttanríkis- og vinnumálum.

Eftir tann fundin, klokkan hálvgum fimm verður tíðindafundur í Tinganesi. Í kvøld verður Poul Michelsen, landsstýrismaður vertur við ein døgurða í Áarstovu.

Fyrrapartin í morgin skal Anders Samuelsen fyrst vitja vindmyllulundina hjá SEV í Húsahaga, har Hákun Djurhuus, stjóri fer at greiða frá um ætlaninar sum liggja fyri framman.

Stutt vitjan

Síðani fer danski uttanríkisráðharrin at vitja Visit Faroe Islands, har Guðrið Højgaard fer at kunna um ferðavinnuna.

Klokkan 11 fríggjamorgunin fer Anders Samuelsen á fund við Uttanlandsnevndina hjá Løgtinginum, áðrenn hann saman við limunum í Uttanlandsnevndini fer at eta morgunmat hjá Ríkisumboðnum.

Longu klokkan gott hálvgum trý seinnapartin í morgin fer Anders Samuelsen aftur til Danmarkar við Atlantic Airways.