Útlánini minkað

BankNordik hevði 179 mió. kr. í vinningi fyri niðurskrivingar í fjør. Tað eru 35 milliónir minni enn í 2015. Úrslitið fyri skatt var 277 milliónir í fjør.

Í ár væntar BankNordik at hava millum 150 og 190 milliónir krónur í vinningi fyri niðurskrivingar.

Avlopið hjá tryggingarfelagnum Trygd, sum er dótturfelag hjá BankNordik, gjørdist 300.000 krónur fyri skatt. 

Jólaódnin dýr

Hetta er í lagi, tá havt verður í huga, hvussu stórir tryggingarskaðarnir í desember í fjør vóru, sigur BankNordik.

Viðskiftafólkini hjá Trygd fingu 30 milliónir krónur í endurgjaldi fyri skaðar í jólaódnunum. 

Ein partur av kapitallættanum, sum sølan av Vørði í Íslandi og avtøkan av danska vinnukundavirkseminum geva, verður brúktur til at gjalda íleggjarunum eitt serligt vinningsbýti. 

300 milliónir krónur verða goldnar í vinningsbýti í ár.