Skriva undir samstarvsavtalu

Vertir fyri vitjanini eru Javnaðarflokkurin og Aksel V. Johannesen, løgmaður. Hóskvøldið fer Mette Frederiksen at halda røðu á eykalandsstevnu hjá Javnaðarflokkinum í Havn.

Ætlanin er, at danski og føroyski javnaðarflokkurin skulu skriva undir eina samstarvsavtalu, stendur í tíðindaskrivi frá Javnaðarflokkinum.

Á vitjanini fer Metta Frederiksen eisini at hitta umboð fyri Samtak og Samstarv, SEV, iNova, Kósina, Hiddenfjord og Miðnám á Kambsdali. Mette Frederiksen fer av landinum aftur fríggjadagin.