Klaksvíkar sjúkrahús best í landinum

Í februar vóru fólk frá IKAS og kannaðu um føroyska sjúkrahúsverkið lýkur dygdarkrøvini, sum Den Danske Kvalitetsmodel setir. 

Úrslitini av kanningunum vísir, at Klaksvíkar sjúkrahúsið fekk besta dygdar-stemplið, og hevur fingið góðkenning uttan viðmerking.  

Landssjúkrahúsið og Suðuroyar sjúkrahús fingu góðkenning við viðmerkingum.

Sjúkrahúsini hava nú møguleikan at bøta uppá nøkur viðurskifti komandi seks mánaðirnar til tess at verða "akkrediterað", sum góðkenningin eitur. 

Stjórin á Klaksvíkar sjúkrahúsi, Heri Ellingsgaard, er errin av góða úrslitinum, sum hann heldur, at øll starvsfólkini eiga lut í. 

- Vit hava duga at vera ordiliga hugbundin, og øll hava givið sítt íkast, sigur Heri Ellingsgaard.

Stjórin á Klaksvíkar sjúkarhúsið heldur eisini, at góða úrslitið eisini kemur av, at tey á Klaksvíkar sjúkrahúsið hava lagt seg eftir at spyrja sjúklingar um, hvat tey kunna betur á sjúkrahúsinum.

- Vit spyrja allar sjúklingar, hvat vit kunna gera betur, og vit lurta eftir teimum og tilpassa okkara arbeiði eftir tí. Tað ætla vit eisini at halda fram við, sigur Heri Ellingsgaard.