100 lond rakt av telduálopi

13.05.2017 - 10:00
AktueltTøkni
100 lond rakt av telduálopi
Álopið er higartil tað mest umfatandi, sum er framt móti privatum og almennum stovnum, og endamálið er at noyða pengar frá teimum
 

Nærum 100 lond vórðu álopin í einum áltjóða telduálopi í gjár. Stovnar og fyritøkur, sum eru raktar, eru biðin um at gjalda millum 300 og 600 dollarar fyri at sleppa fram at sínum teldum aftur, og loysigjaldið skal vera í sokallaðum bitcoin, sum er eitt talgilt gjaldoyra, sum kann nýtast uttan um bankaskipanina. 

Sambært KT-trygdarfyritøkuni AVAST eru meira enn 75.000 teldur raktar í 99 ymiskum londum. Tær flestu teldurnar eru í Ruslandi, Taiwan og Ukraina, men eisini lond sum Danmark, Noreg og Svøríki hava boðað frá, at tey eru rakt. 

Harðast rakt er bretska heilsuskipanin, og fleiri sjúkrahús í Bretlandi hava stórar trupulleikar við kt-skipanum eftir álopið, og tað hevði við sær ruðuleika á sjúkrahúsum í gjár. Eitt nú høvdu tey ikki atgongd til upplýsingar um sjúklingar, skrivar BBC.

Forritið, sum er nýtt til álopið, verður hildið at vera sokallaða "Wannacry", sum sigst vera stolið frá amerikansku fregnartænastuni, NSA, og tað kann nýtast til trygdarhol í skipanum frá Microsoft. 
 

Er kopiera
Nýggjastu sendingar í ÚV
Fríggjadag 3. desember
Nón 3. desember 2021
132284
Fríggjadag 3. desember
Óhoyrt 12: Barnasangur, emorapp og WILLOW
132278
Fríggjadag 3. desember
Íbúðabygging og pensjónsaldur
132259
Fríggjadag 3. desember
Góðan morgun Føroyar 03.12.2021
132250
Fríggjadag 3. desember
Morgunlestur fríggjadagur 3.desember 2021
132118
Nýggjastu sendingar í SV
Fríggjadag 3. desember
Lyst 46
132263
Hósdag 2. desember
Eysturoyartunnilin 1:3
132233
Mánadag 29. november
Dokumentarurin: Kongoránið
131988
Mánadag 29. november
3-2
131987