Lendisætlan fyri Boðanes gjørd

Í dag klokkan 13:30 verður ein frílendisætlan fyri Boðanes og Hoydalar handað Anniku Olsen, borgarstjóra í Havn, og Sirið Stenberg, landsstýriskvinnu í innlendismálum. 

Tað er ein arbeiðsbólkur við umboðum frá Umhvørvisstovuni, Tórshavnar kommunu og Søvnum landsins, sum fer at handa lendisætlanina.

Staðið við Boðanesgjógv, har handanin verður, er har toftin av lýsismeltarínum hjá Ludda Kristjani er. William Heinesen gjørdi húsið víðgitið í søguni um Don Juan fra Tranhuset, skrivar arbeiðsbólkurin í skrivi til miðlarnar.

Um viðrar verður handanin niðri við Boðanesgjógv. Viðrar ikki, verður handanin í staðin fyri á Gróðurstøðini í Hoydølum.