Ikki samd um mótmælistiltakið

Í morgin skipa manningarfeløgini, Fiskimannafelagið og Skipara- og Navigatærfelagið, fyri mótmælistiltakið uttan fyri Løgtingið í samband við fyrstu viðgerð av uppskotinum um nýggja fiskivinnuskipan.

Men triðja manningarfelagið, Maskinmeistarafelagið, luttekur tó ikki í mótmælistiltakinum. Tað er ikki semja í felagnum um, hvørt felagið skal taka lut í mótmælinum ella ikki.

Hans Ingvard Joensen, nevndarlimur í Maskinmeistarafelagnum, harmast um støðuna hjá felagnum, og heitir á limir um at møta upp til mótmælistaltakið.