11 heiðursmerki afturat í dag

bannari
27.06.2017 - 20:26
Ítróttur
11 heiðursmerki afturat í dag
Sólin hevur bakað og heiðursmerkini regnað yvir føroysku íðkararnar í Gotlandi í dag. Her er ein uppsamling við videobrotum frá degnum í dag
Alvi Hjelm hátíðarheldur sigurin í 400m blandaðari svimjing
Mynd: Lív Mortensen  
 

Føroyar eru framvegis einaráðandi í svimjihøllini, og í kvøld vunnu føroysku svimjararnir níggju heiðursmerki í teimum 11 finalunum. 

Tá ið finalukvøldið var av, høvdu fýra føroyskir svimjarar vunnið gull: 

Vár E. Eidesgaard, 800m frí

Alvi Hjelm, 400m blandað

Signhild D. Joensen, 100m rygg

Óli Mortensen, 200m frí

Alvi Hjelm í sigursrúsi (mynd: Lív Mortensen)

Harafturat vunnu føroysku svimjararnir fýra silvurheiðursmerki: 

Róland Toftum, 50m bringa

Sára R. Nysted, 200m blandað

Vár E. Eidesgaard, 50m firvald

Vár E. Eidesgaard, Ásbjørg Hjelm, Signhild D. Joensen og Sára R. Nysted, 4x50m blandað

Afturat gulli og silvuri, svumu Alvi Hjelm, Óli Mortensen, Róland Toftum og Rókur Trygvason seg til bronsu í 4x50m frísvimjing.

 

Bogaskjúttarnir fingu eisini eitt gullheiðursmerki afturat í samlingina, tá ið Anja Eydnudóttir og Nikkel Petersen vunnu finaluna í mixed compound móti Guernsey. Anja og Nikkel vunnu finaluna við fimm stigum, 145-140, og tryggjaðu soleiðis bogaskjúttunum fjórða gullheiðursmerkið á hesum leikunum. 

Eggabba Andreassen, formaður í Bogaskjótisambandinum hevði í veikari løtu undan leikunum lovað at leypa á sjógv, um bogaskjúttarnir megnaðu at vinna fýra gullheiðursmerki. So eftir dagsins úrstøku var ikki annað at gera hjá Eggabba, enn at halda orð. Anja Eydnudóttir hevur sent okkum upptøkur frá stóru løtuni.

EGGABBA_A_SJOGV

Rebekka Fuglø fekk somuleiðis metal um hálsin í dag, hon vann nevniliga bronsu í 1500m renning. Tíðin hjá Rebekku var 4 minuttir, 30 sekund og 20 hundraðapartar, og harvið setti hon eisini nýtt føroyskt met. 

170627_OYL_REBEKKA

Samanlagt hava Føroyar nú vunnið 41 heiðursmerki:

ítróttagrein Gull Silvur Bronsa Tilsamans
Svimjing 8 7 5 20
Fimleikur 3 3 3 9
Bogaskjóting 4 0 3 7
Súkkling 1 0 1 2
Frælsur ítróttur 0 1 1 2
Traithlon 0 1 0 1

Føroyar tilsamans

16 12 13 41

 

Er kopiera
Nýggjastu sendingar í ÚV
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Hósdag 23. september
Góðan morgun Føroyar 23.09.2021
128941
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699