Skifta kanska flogfør

03.07.2017 - 12:21
AktueltVinna
Skifta kanska flogfør
SAS stríðist enn við byrjunartrupulleikar á føroyaleiðini. Flogfelagið umhugsar at skifta flogførini á leiðini út
 

SAS umhugsar at seta nýggj flogfør at flúgva til Føroyar. Tað sigur Mariam Skovfoged, kunningarstjóri hjá SAS, við heimasíðuna check-in.dk.

SAS hevur havt byrjunartrupulleikar, síðani norðurlendska flogfelagið byrjaði at flúgva til Føroyar 26. mars í ár. 

SÍ EISINI Trupul byrjan hjá SAS

Í mai og juni noyddist flogfarið tríggjar ferðir at venda aftur til Keypmannahavnar og tvær ferðir vóru ferðirnar avlýstar, orsaka av vánaligum floglíkindum. Tað svarar til 8,2 prosent av øllum túrum í tíðarskeiðnum. 

Kappingarneytin Atlantsflog hevði ikki somu trupulleikar av veðrinum. Bert ein av teimum 150 túrunum hjá Atlantsflog sama tíðarskeið, eydnaðist ikki at lenda.

Nýggj tøkni tryggjar reglusemið

Regulariteturin hjá SAS fyrstu tveir mánaðir, tað vil siga í mars og í apríl, er enn verri, samanborið við regularitetin hjá Atlantsflog, skrivar heimasíðan, check-in.dk

Tað er nýggjasta tøknin hjá Airbus, skipanin RNP AR 0,1, sum ger munin. Øll flogførini hjá Atlantsflog hava tøknina, meðan einans nýggjastu Airbus A320neo-flogførini hjá SAS hava hesa skipan.

Og tað eru hesi flogførini, ið SAS nú umhugsar at seta í fasta flúgving á føroyaleiðini. SAS hevur higartil ikki sett føst flogfør burturav at flúgva til Føroyar.

Er kopiera
Nýggjastu sendingar í ÚV
Nýggjastu sendingar í SV
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430
Mánadag 23. januar
Møti úr Meinigheitshúsinum
151337
Sunnudag 22. januar
Hvør veit?
151287
Sunnudag 22. januar
Andakt við Tummas Jacobsen
151286