Embætisførslan kannast

Tær neyðugu 14 undirskriftirnar eru komnar, og arbeiðssetningurin er skrivaður. Løgtingsformaðurin setur kanningarstjóra, sum plagar at vera ein óheftur løgfrøðingur.

Andstøðan vil hava embætisførsluna yvirhøvur hjá Høgna Hoydal kannaða og serliga málið um veiðiloyvini hjá línuskipum, sum vórðu latin uppsjóvarskipum.

Í gjár varð uppskot um misálit á Høgna Hoydal á veg í Løgtingið, men tingfundurin endaði, áðrenn tað varð lagt fram.