Vorðið dýrari at búgva í Føroyum

Hetta er mesti árligi prísvøkstur síðani í fjórða ársfjórðingi í 2012. Og hetta er nakað meira enn í fyrsta ársfjórðingi, tá árligi prísvøksturin var 1,2 prosent.

Hetta seinasta árið eru allir prísir farnir upp uttan prísirnir á klæðum, skóm og innbúgvi og í bólkinum, sum eitur ymiskar vørur og tænastur.

Matvørur eru nakað dýrari, men tað kortini er minni enn eitt prosent. Húsarhaldið er eisini vorðið dýrari at reka samanumtikið.

Oljan er 19,2 prosent dýrari, men streymurin kostar nú 3,1 prosent minni enn í fjør. Samanumtikið er húsarhaldið vorðið 4,3 prosent dýrari at reka. Bensin og diesel kosta tíggju prosent meira enn í fjør.