Átta milliónir í avlopi

Norðoya Sparikassi hevði 8,1 millión krónur í avlopi eftir skatt fyrra hálvár í ár.

Hetta er nakað minni enn somu tíð í fjør, tá avlopið var 9,6 mió krónur.

Kortini er bankin nøgdur við úrslitið, sigur Marner Mortensen, stjóri í Norðoya Sparikassa, í tíðindaskrivi.

Bæði útlán og innlán eru vaksin.

Vøksturin í útlánum var 2,4 prosent, og vøksturin í innlánum var 3,2 prosent.