Nógv at gera men einki stórt lógarbrot fráboðað

Politiið hevði nógv at gera ólavsøkuaftan og ólavsøkunátt, men tey stóru lógarbrotini vóru tó ikki.

Ein maður er skuldsettur fyri herverk, fyri at bróta ein rút í einum sethúsum í Havn, og ein annar er skuldsettur fyri rúsdrekkakoyring.

Annars fekk 112 nógvar fráboðanir um fólk, sum vóru dottin ella á annan hátt høvdu meiðslað seg.

Avdottin

Og politiið koyrdi fólk til hús, sum lógu avdottin úti. 

Serliga eftir klokkan fýra í nátt, tá tað fór at regna, vóru fólk skjótari at boða frá avdotnum fólkum.

Eingin varð tó koyrdur í brummuna í Klaksvík at sova rúsin av sær.