Marita og Súni viðgera løgmansrøðuna

Vinnuhúsið og Starvsmannafelagið siga sína meining um ólavsøkurøðuna hjá løgmanni í sjónvarpskjakinum í kvøld.

Løgtingið viðger í dag og í morgin røðuna, sum Aksel V. Johannesen, løgmaður, helt á ólavsøku.

Tað sama fara Marita Rasmussen, stjóri í Vinnuhúsinum, og Súni Selfoss, formaður í Starvsmannafelagnum, at gera í sjónvarpskjakinum í kvøld.

Tey fara millum annað at umrøða, hvat tey halda um politisku kósina, sum løgmaður legði í røðuni, um bústaðarneyðina í Føroyum og um lønarsamráðingarnar, sum verða í heyst.