Nokta seg sekar. Ákærurnar byggja á vitnini

Báðir menninir, sum eru ákærdir fyri at hava sett eld á eitt hús við Tinghúsvegin í Havn í juli í fjør, nokta seg sekar í  eldáseting.

Maðurin, sum ikki kom á rættarfundin í morgun, var í rættinum seinnapartin.

Báðir menninir blivu avhoyrdir, men báðir søgdur seg lítið og einki minnast frá kvøldinum, eldur var í. Tað var 20.juli í fjør.

Ákæruvaldið byggir sína ákæru á vitnisfrágreiðingar.

Staðfest er, at fest varð í á tveimum støðum í húsinum, í gongini og á skrivstovuni.

Tiknir somu nátt 

Politiið tók ákærdu menninar, sum eru ávikavist 27 og 30 ára gamlir, í einum húsum í Havn góðan hálvan triðja tíma eftir, at boðað varð frá eldinum.

Í dag vórðu tey vitni avhoyrd um eldsbrunan.

Annað sá teir báðar menninar niðast í Sjúrðargøtu stutt fyri eldsbrunan. Hon helt uppá, at teir høvdu kós móti Tinghúsvegnum. 

Hoyrdi glas brotna

Hitt vitnið er granni hjá AA húsinum, sum brann. Hann sigur seg hava hoyrt glas brotna tíggju minuttir, áðrenn eldur var í AA húsinum. Hann boðaði frá eldinum. 

Hann hugsaði um innbrot, tá hann hoyrdi glasið brotna, men hann sá tó einki óvanligt, segði hann. 

Rættarmálið heldur fram í morgin. Tá verða nógv vitni avhoyrd.