Halda seg hava sæð sokna bátin

Brimil, sum hevur leitað eftir bátinum, ið varð ásigldur og sakk í Skopunarfirði í gjáranáttina, helt seg í gjárkvøldið hava sæð okkurt, ið kann vera ein sokkin bátur.

Leitað varð við skannara seinnapartin í gjár og í gjárkvøldið í Skopunarfirði.

Brimil kom á Havnina í gjárkvøldið, og fyrrapartin í dag verður støða tikin til, um farast skal at dreggja eftir tí, sum kann vera ein sokkin bátur, upplýsir vakthavandi á sjóbjargingarstøðini, MRCC.

Farmaskipið Mykines hjá Smyril Line sigldi um tvey tíðina í gjáranáttina á ein bát í Skopunarfirði.

Tveir mans vóru í bátinum, og annar varð bjargaður. 

Stutt eftir sakk báturin. 

Hin maðurin er ikki komin afturíaftur.