Magnus nýggjur formaður

Magnus Rasmussen, tingmaður fyri Sambandsflokkin, er nýggjur formaður í landsstýrismálanevndini.

Jógvan Skorheim, tingmaður fyri Sjálvstýri, segði seg herfyri frá, sum formaður, tí hann heldur, at landstýrismálanevndin ikki riggar, og ikki hevur tey amboðini, ið skulu til, fyri at loysa mál.

Landsstýrismálanevndin skal hava eftirlit við, at landsstýrið heldur seg innan fyri teir karmar, ið lógin setir.

Tað var ein samd landsstýrismálanevnd, ið fyrrapartin valdi Magnus Rasmussen sum nýggjan formann í nevndini.