Selatraðarvegurin kostar nógv meira enn játtanin

15.09.2017 - 07:33
AktueltSamfelag
Selatraðarvegurin kostar nógv meira enn játtanin
Landsstýrismaðurin, Landsverk og Sjóvar kommuna samd um at gera vegin, men fleiri pengar eru neyðugir
Vegurin til Selatrðar er gjørdur í tríatiárunum. Hann krevur ábøtur.
 

Vegurin til Selatraðar verður ikki liðugur í bræði.

Ætlanin er at játta hálva millión krónur næsta ár og tvær milliónir í 2019.

Men teir pengarnar røkka bara til ávísar dagføringar, sigur Henrik Old, landsstýrismaður, sum hevur svarað Annitu á Fríðriksmørk, løgtingskvinnu, sum spurdi um Selatraðarvegin. 

Landsvegurin av Strondum til Selatraðar er tíggju kilometrar langur. 

Ábøtur eru gjørdar frá 2005 til 2014 fyri 5,6 mió. kr.

Ein av tíggju breiðkaður

Trý strekki eru breiðkað, tilsamans 1,1 kilometur.

Sambært samferðsluætlanini fyri 2012 til 2024 og í tilmæli frá Landsverki verður mælt til at breiðka vegin til ein smalan tvíbreytaðan veg í støðum, og annars at gera góð víkipláss.

Tað varð í 2012 mett at kosta 50 mió. kr. 

Grót úr tunli

Á fundi í farnu viku millum landsstýrismannin, Landsverk og Sjóvar kommunu um ferðsluviðurskiftini í Sjóvar kommunu var semja um at finna eina munagóða loysn á Selatraðarvegnum, svarar Henrik Old. 

Men pengarnir til tess eru ikki til enn, sigur hann eisini.

Henrik Old hevur heitt á Landsverk at arbeiða við møguleikanum at brúka grót úr Eysturoyartunlinum til Selatraðarvegin.

Er kopiera
Nýggjastu sendingar í ÚV
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750