Bretland framvegis í hægstu tilbúgving

Bretland framvegis í hægstu tilbúgving
Bretska løgreglan hevur fyrrapartin handtikið ein 18 ára gamlan mann, sum er undir illgruna at hava samband við yvirgangin í metroini í London
 
16.09.2017 - 13:45

30 fólk fingu skaða, tá ein bumba brast í Parsons Green metrostøðini, klokkan 08:20 í gjáramorgunin.

Tey flestu sluppu við smærri snuddum, men trý fólk liggja framvegis á sjúkrahúsi eftir atsóknina.

Løgreglan í Kent handtók 18 ára gamla mannin fyrrapartin, og sambært bretska kringvarpinum verður hann hann nú avhoyrdur. 

Sambært Neil Basu, løgregluovasta í Metropolitan Police í London, vil handtøkan væntandi geva løgregluni nógv at arbeiða við. Bretska løgreglan vil ikki geva nakrar upplýsingar um 18 ára gamla mannin, meðan kanningararbeiðið fer fram.

Yvirgangsfelagsskapurin Islamiskur Statur hevur longu tikið ábyrgdina av yvirgangsatsóknini í metro'ini í London í gjáramorgunin.

Hóast ein maður nú er handtikin, so er Bretlandi framvegis á varðhaldi.

Í gjárkvøldi boðaði bretski forsætisráðharrin, Theresa May, frá, at landið hevur økt tilbúgvingarstigið frá álvarsamt til kritiskt. 

Tilbúgvingarstigið "kritiskt" er at rokna sum hægsta tilbúgving - og tað merkir vanliga, at myndugleikarnir óttast eina yvirgangsatsókn.

Hægsta tilbúgvingarstigið stendur fyribils við.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565