Sóu ikki prógvini í skjalagoymsluni

01.10.2017 - 11:02
Aktuelt
Sóu ikki prógvini í skjalagoymsluni
Bárður Larsen, løgfrøðingur, hevur ilt við at skilja, hví TAKS metti, at ongin prógv vóru um, at Eik Banki hevði roynt at villeitt TAKS
Bárður Larsen skrivar, at støðan hjá TAKS er "ring at sameina við upplýsingarnar í skjølum, sum TAKS hevur á goymslu".
 

3. februar 2017 avgjørdi TAKS, at Eik Banki ikki hevði rætt til nakran skattafrádrátt. 

Men TAKS metti ikki, at málið var so mikið álvarsamt, at tað skuldi sendast til fútan. 

Í kanningini hjá Bárði Larsen av málinum stendur, at TAKS metti, at "ongi prógv eru fyri, at Eik sum banki tilvitandi hevur roynt at snýtt seg til ein frádrátt".

Men Bárður Larsen hevur ilt við at skilja hesa støðuna. 

Tí "hendan tulkingin kann vera eitt sindur ring at sameina við upplýsingarnar í skjølum, sum TAKS hevur á goymslu", skrivar Bárður Larsen í síni kanning av málsviðgerðini hjá TAKS í "Skattamálinum".

Bárður Larsen skrivar, at "Í tíðini fram til 30. Juni 2015 eru fleiri týðandi dømi um, at Eik afturheldur upplýsingum og teknar eina villeiðandi mynd av málinum".

Í síni skjalagoymslu hevði TAKS sostatt fleiri dømir um, at Eik gav TAKS villeiðandi upplýsingar, men TAKS tók ikki støðu út frá hesum.

Bárður Larsen vísir eisini á, at júst upplýsingarnir, sum Eik Banki ikki lat TAKS í fyrstu viðgerðini av málinum - áðrenn Fíggjarligt Støðufesti varskógvaði føroyskar myndugleikar um málið - blivu brúktir av TAKS í endaligu avgerðini 3. februar 2017. 

"Endaligt avgerðarskriv, dagfest 3. Februar 2017, vísa eisini, at júst skjølini frá SPEKT 2013 og 2014 og KPMG í 2011 (...) vóru avgerandi fyri grundgevingina", skrivar Bárður Larsen.

"Júst tey skjølini, sum SPEKT og onnur eggjaðu leiðsluni í Eik til at geva TAKS áðrenn kontaktina í 2013, vístu seg at vera avgerandi fyri málið".

Bárður Larsen metur, at tað er sannlíkt, at Eik Banki tilvitað afturhelt hesar upplýsingar, soleiðis at TAKS kom til skeiva niðurstøðu á sumri 2015.

"So er nærliggjandi at halda, at tað liggur eitt tilvitað val aftanfyri um ikki at geva TAKS teir upplýsingar, sum kunnu leiða TAKS á "skeiva" kós" móti eini avgerð, ið ikki er til fyrimuns fyri Eik".

Er kopiera
Nýggjastu sendingar í ÚV
Mikudag 26. januar
Góðan morgun Føroyar 26.01.2022
134611
Mikudag 26. januar
Morgunlestur mikudagur 26.januar 2022
133937
Týsdag 25. januar
LEITISSTEIN 25.01.2022 (Petur Háberg)
134596
Týsdag 25. januar
Óhoyrt 20: Fríði X Ayphin
134580
Týsdag 25. januar
Tey føroysku málførini I
134565
Nýggjastu sendingar í SV
Mánadag 24. januar
3-2
134528
Sunnudag 23. januar
Hvør veit?
134453
Sunnudag 23. januar
Andakt við Sólfríð Heinesen
134450
Sunnudag 23. januar
Guðstænasta úr Vesturkirkjuni
134455
Fríggjadag 21. januar
Lyst 47
134249