Skattamálið viðgjørt á hægsta danska embætisstigið

11.11.2017 - 14:15
Aktuelt
Skattamálið viðgjørt á hægsta danska embætisstigið
Skattamálið hjá Betri Banka hevur verið viðgjørt á tveimum fundum í danska Vinnumálaráðnum.
Umboð fyri Fíggjarligt Støðufesti luttóku á fundunum um "Skattamálið", sum vóru hildnir í danska Vinnumálaráðnum.
 

Bæði innanhýsis fundir og uttanhýsis samskifti hava verið í danska Vinnumálaráðnum - Erhvervsministeriet - um sonevnda "Skattamálið" hjá Betri Banka.

Fyrsti fundurin var 15. mars 2016.

Hetta var hálvannan mána aftaná, at Fíggjarligt Støðufesti varskógvaði føroyskar myndugleikar um málið, tí Fíggjarligt Støðufesti metti, at málið var so álvarsamt, at tað kundi hava týdning fyri samstarvið millum myndugleikarnar í Ríkisfelagskapinum.

Hetta tykist eisini hava verið fatanin hjá Eik Banka, sum Betri Banki kallaðist tá. 

Tí Eik Banki skrivaði til donsku myndugleikarnar, 6. mars 2016. 

Dagin fyri at Eik Banki fekk svar frá Christiansborg, var fundur í Vinnumálaráðnum um Skattamálið.

Kringvarpið hevur ikki fingið innlit í fundarfrágreiðingina, men tað er sannlíkt, at evnið á fundinum hevur verið svarið, sum var sent til Eik Banka, dagin eftir.  

Hetta var í mars mánaða.

Men Skattamálið var eisini viðgjørt á einum fundi í danska Vinnumálaráðnum, 18. mai 2016.

Luttakarar á báðum fundunum vóru leiðandi embætisfólk í danska Vinnumálaráðnum og umboð fyri Fíggjarligt Støðufesti.  
 

Er kopiera
Nýggjastu sendingar í ÚV
Týsdag 7. desember
Morgunlestur týsdagur 7.desember 2021
132315
Mánadag 6. desember
NiviNaja 5. partur
33706
Mánadag 6. desember
Við Tórði á túri eftir jólamati
132371
Mánadag 6. desember
Hvar gongur markið?
132367
Mánadag 6. desember
Norðurljóð 6.desember 2021
132261
Nýggjastu sendingar í SV
Mánadag 6. desember
3-2
132386
Sunnudag 5. desember
Andaktin
132331
Sunnudag 5. desember
Hvør veit?
132362
Sunnudag 5. desember
Guðstænasta úr Viðareiðis kirkju
132320