Innbúgvið til Setrið í Sjóvinnuhúsinum boðið út

Landsverk biður nú um tilboð um innbúgv til lærarar, granskarar og næmingar á Fróðskaparsetrinum, sum skulu flyta í Sjóvinnuhúsið á Vestaru bryggju í Havn næsta vár.

Fróðskaparsetrið flytur í tríggjar hæddir í Sjóvinnuhúsinum. 

Tær verða nú innrættaðar, og tað arbeiðið skal vera liðugt í februar næsta ár.

Fróðskaparsetrið skal hava aðru hædd, fjórðu hædd og fimtu hædd í Sjóvinnuhúsinum.

Prísirnar eru helvtin

Biðið verður eisini um tilboð upp á eina starvsstovu og upp á AV-útgerð, sum skal brúkast til ljóð og myndir.

Landsverk vektar tilboðini helvt um helvt viðvíkjandi prísi og góðsku, tá talan er um innbúgvið og starvsstovuna, og prísurin vektar 100 prosent viðvíkjandi AV-útgerðini. 

Kunngjørt verður í næsta mánað, hvør vinnur tilboðini.

Ætlanin er, at Sjúkrarøktarfrøðingar og Náttúruvísindadeildin flyta á Vestaru bryggju.