Átta miðlar hava biðið um pengar úr landskassanum

Nú freistin er farin, hava átta privatir miðlar søkt um miðlastuðul í ár.

Umsóknir eru frá tíðindabløðum, netmiðlum og útvarpsstøðum. 

Fýra av teimum átta umsóknunum er frá netmiðlum, upplýsir Mentamálaráðið.

Miðlastuðulsnevndin hevur fund hósdagin. Og væntandi verður vikuskiftið brúkt at lesa alla umsóknirnar gjølla.

Nógvar treytir eru fyri at fáa stuðul.

Fyrst í desember

Magnus Dam, sum er formaður í Miðlastuðulsnevndini, veit ikki enn, nær umsøkjarnir fáa svar. Men miðað verður eftir, at tað verður fyrst í desember. 

Umframt Magnus Dam eru Beate L. Samuelsen og Bergur Djurhuus Hansen í Miðlastuðulsnevndini. 

Tvær milliónir krónur eru settar av til miðlastuðul í ár.